គំនូរ​ឥត​ខ្ចោះ​ប្រើ​ម្រាម​ដៃ​ ជំនួស​ជក់​

គំនូរឥតខ្ចោះប្រើម្រាមដៃ ជំនួសជក់

គំនូរជាច្រើនផ្ទាំងធំៗត្រូវបានដាក់តាំងពិព័រណ៍ក្នុងសហរដ្ឋអាមេរិកនិងបន្តទៅតាំងនៅពាសពេញសាកលលោកដោយសារតែទេពកោសល្យដែលមិនសរសើរមិនបានរបស់វិចិត្រករស្រីជនជាតិអាមេរិកមួយរូបដើម្បីបំណងម្ដាយរបស់នាង។

នាង Zaria Forman វ័យ៣១ឆ្នាំដែលបានទទួលការហាត់រៀនគូរគំនូរទឹកនៅមហាវិទ្យាល័យសិល្បៈ Skidmore college សហរដ្ឋអាមេរិកបានប្រើម្រាមដៃរបស់នាងជំនួសឲ្យការប្រើជក់ដើម្បីគូររូបភាពទឹកសមុទ្រ និងផ្ទាំងទឹកកកធំៗនៅតំបន់ប៉ូល។ គំនិតនៃការប្រើម្រាមដៃគូរនេះកើតចេញពីការស្រម៉ៃរបស់ម្ដាយនាង ប៉ុន្តែគាត់បានស្លាប់ទៅហើយដោយមិនទាន់បានសម្រេចបំណងនៅឡើយ។

ដូចនេះនាង Forman ក៏បានសន្យាថានឹងសម្រេចបំណងរបស់ម្ដាយដោយប្រើឈ្មោះម្ដាយរបស់នាង ព្រោះFormanគឺជាឈ្មោះរបស់ម្ដាយនាង។ បន្ទាប់ពីគូរបានច្រើនផ្ទាំងរួចមក គំនូរដែលស្រដៀងទៅនឹងរូបថតពិតៗរបស់Forman ត្រូវបានដាក់តាំងពិព័រណ៍ពេញសហរដ្ឋអាមេរិក និងបានដាក់ប្រកាសលក់ក្នុងគេហទំព័រផ្ទាល់ខ្លួនរបស់នាងពីតម្លៃ ៦ពាន់ដុល្លារ ទៅ៩ពាន់ដុល្លារ។