កែប្រែស្មាតហ្វូនរបស់អ្នក​ ទៅ​ជា​ម៉ាស៊ីន​វាស់​ចង្វាក់​បេះដូង​ម្ដង​មើល!

កែប្រែស្មាតហ្វូនរបស់អ្នក ទៅជាម៉ាស៊ីនវាស់ចង្វាក់បេះដូងម្ដងមើល!

អ្នកទាំងអស់គ្នាប្រហែលជាឆ្ងល់ហើយថា តើស្មាតហ្វូនរបស់យើងរាល់គ្នាពិតជាអាចធ្វើជាម៉ាស៊ីនវាស់ស្ទង់ចង្វាក់បេះដូងរបស់យើងដែរឬទេ? ចំលើយគឺ នៅលើអ្នកប្រើប្រាស់កម្មវិធី Instant Heart Rate ដែលវាគឺជាកម្មវិធីសម្រាប់ប្រើប្រាស់នៅលើទូរស័ព្ទស្មាតហ្វូនជាច្រើនម៉ូឌែល ទុកដើម្បីវាស់ស្ទង់ចង្វាក់បេះដូងរបស់យើងបានយ៉ាងងាយបំផុត។

Instant Heart Rate – Pro គឺជាកម្មវិធីមួយត្រូវបានបង្កើតដោយក្រុមហ៊ុន Azumio Inc.ដែលទទួលបានពានរង្វាន់កម្មវិធីទូរស័ព្ទឆ្នើមកាលពីឆ្នាំ 2011 កន្លងទៅនៅក្នុង Play Store។ កម្មវិធីនេះត្រូវបានកែសម្រួលពីមួយជំនាន់ទៅមួយជំនាន់បានកាន់តែល្អឡើងៗរហូតមកដល់ពេលនេះ វាបានលោតមកដល់ជំនាន់ 2.5.12 ហើយ ដែលមាន Interface ស្រស់ស្អាត ងាយស្រួលប្រើប្រាស់ និងមានមុខងារមួយចំនួនរាប់បញ្ចូលផងដែរ។

កម្មវិធីដ៏ពិសេសមួយនេះ ត្រូវបានយកទៅប្រើប្រាស់ជាមួយគ្រូបង្ហាត់កីឡា គ្រូពេទ្យ គិលានុប្បដ្ឋាយិកា និងមនុស្សជាច្រើនទៀតជាង 5 លាននាក់ទៅហើយ។

ចំនែកការប្រើប្រាស់គឺងាយស្រួលបំផុតដោយគ្រាន់តែអ្នកចូលទៅកាន់កម្មវិធី ហើយចុចប៊ូតុងមូលធំមួយចំកណ្ដាលដើម្បីចាប់ផ្ដើមកម្មវិធី បន្ទាប់មកភ្លើង Flash របស់ទូរស័ព្ទអ្នកនឹងចេញមក គ្រានោះអ្នកអាចយកម្រាមដៃខាងឆ្វេង ឬស្ដាំដាក់អោយចំមុខកាមេរ៉ានៅជិត Flash នោះ (តែមិនត្រូវសង្កត់ខ្លាំងពេកទេ) ហើយធ្វើការរង់ចាំប្រមាណជា 15 វិនាទី ពេលនោះកម្មវិធីនឹងចាប់ផ្ដើមវាស់ស្ទង់ចង្វាក់បេះដូងរបស់អ្នកតាមរយៈកាមេរ៉ា ដោយយោងតាមឈាមក្រហមរបស់អ្នកតែម្ដង។

បញ្ជាក់: អ្នកត្រូវដាក់ម្រាមដៃរបស់អ្នកអោយនៅនឹងមុខកាមេរ៉ា ហាមរង្គើអោយសោះ!!!

ដើម្បីអោយកាន់តែច្បាស់សូមទស្សនាវីដេអូទាំងអស់គ្នាដូចខាងក្រោម៖

បន្ទាប់ពីទស្សនាវីដេអូក្លីបរួច តើប្រិយមិត្តមានចំណាប់អារម្មណ៍ចង់ប្រើប្រាស់កម្មវិធី ដ៏អស្ចារ្យមួយនេះទេ? តើអ្នកចង់ដឹងអំពីសុខភាពចង្វាក់បេះដូងរបស់អ្នករាល់ថ្ងៃទេ? បើអ្នកចង់ គប្បីសាកល្បងប្រើប្រាស់កម្មវិធី Instant Heart Rate ទៅ ព្រោះវាមានដាក់អោយទាញយក Free មិនគិតប្រាក់ពី Play Store, App Store និង Windows Phone Store ដូចខាងក្រោម៖

Play Store	ទំហំ 4MB
App Store	ទំហំ 18MB
Windows Phone Store	ទំហំ 4MB

សម្រាប់ប្រិយមិត្តដែលប្រើប្រាស់ប្រព័ន្ធប្រតិបត្តិការ Android អាចសាកល្បងប្រើកម្មវិធីនេះជាមួយជំនាន់ Pro Version ពី Cambo Report ដោយចុចពាក្យថា DOWNLOAD ដើម្បីទាញយកមិនគិតប្រាក់។

ប្រភពៈ Play Store, App Store និង Windows Phone Store

រក្សាសិទ្ធិដោយ : cambo-report.com