ប្រទះ​ឃើញ​ពេជ្រ​ពណ៌​ខៀវ​ដ៏​កម្រ​នៅ​អាហ្វ្រិក​

ប្រទះឃើញពេជ្រពណ៌ខៀវដ៏កម្រនៅអាហ្វ្រិក

ប្រភេទត្បូងពេជ្រដ៏កម្រមួយគ្រាប់ត្រូវបានអ្នកស្រាវជ្រាវជីកពីក្នុងល្អាងរ៉ែCullinan តំបន់អាហ្វ្រិកខាងត្បូង។ ត្បូងពេជ្រមួយគ្រាប់នេះគឺជាប្រភេទត្បូងពេជ្រដ៏ល្អដាច់គេដោយមានពណ៌ខៀវស្រងាត់និងមានទឹកល្អជាងគេ បើប្រដូចទៅនឹងត្បូងពេជ្រឯទៀត។

ត្បូងពេជ្រនេះមានទំហំ ២៩,៦ ការ៉ាត់ ដែលក្រុមអ្នកសិក្សានិងរុករករ៉ែឈ្មោះថា Petra Diamond ជីកឃើញ។ តាមការឲ្យដឹងរបស់ក្រុម Petra ថាពួកគេធ្លាប់បានរុករកឃើញត្បូងពេជ្រផ្សេងដែលស្រដៀងនឹងពេជ្រមួយគ្រាប់នេះកាលពីឆ្នាំមុនមកដែរ ដោយមានទំហំ ២៥,៥ ការ៉ាត់ ហើយត្រូវបានលក់ក្នុងតម្លៃ ១៦, ៩ លានដុល្លារ។

ទោះបីជាមិនទាន់មានការកំណត់និងដេញថ្លៃត្បូងពេជ្រពណ៌ខៀវដែលទើបនឹងរកឃើញក្នុងពេលថ្មីៗនេះក៏ដោយ តែក្រុមPetra រំពឹងយ៉ាងជឿជាក់ថានឹងលក់បានក្នុងតម្លៃថ្លៃលើសលប់ដូចពេជ្រកាលពីឆ្នាំទៅមិញដែរ។

ដោយ nob70

ប្រភព៖ BBC