តើការកាច់.ក និងកាច់ម្រាមដៃឲ្យលឺ អាចបណ្ដាលឲ្យឈឺឆ្អឹង នៅពេលចាស់ ឬទេ?

តើការកាច់.ក និងកាច់ម្រាមដៃឲ្យលឺ អាចបណ្ដាលឲ្យឈឺឆ្អឹង នៅពេលចាស់ ឬទេ?

0

ការកាច់.ក ឬ ពត់ខ្លួនឲ្យលឺសំលេង និងកាច់ម្រាមដៃឲ្យលឺសំលេង គឺជារឿងមួយគួរឲ្យចាប់អារម្មណ៍ និងមនុស្សមួយចំនួនគិតថា វាអស្ចារ្យ។ តែមានទ្រឹស្ដីជាច្រើន បានបង្ហាញពីមូលហេតុ លឺសំលេងនេះឡើង តែយើងមិនទាន់ដឹងពី ការប៉ះពាល់របស់វា នៅឡើយទេ។

ការពត់ខ្លួន ឬ កាច់.កឲ្យលឺសំលេង វាមិនធ្វើឲ្យយើងឈឺចាប់នោះទេ ហើយក៏មិនអោយទុក្ខទោសអ្វីដែរ តែយោងតាមការវិនិច្ឆ័យជាទូទៅ បានបង្គាប់ឲ្យយើង មិនគួរធ្វើបែបនេះនោះទេ ព្រោះសំលេងទាំងនោះ ចេញមកពីការប៉ះទង្គិច របស់សន្លាក់ឆ្លឺង វាមិនត្រឹមតែផ្ដល់នូវសំលេងរំខាន ដល់អ្នកដទៃ នៅជុំវិញខ្លួនយើង នោះទេ វាក៏អាចធ្វើឲ្យមានបញ្ហាខាងរាងកាយរបស់យើងផ្ទាល់ នៅពេលដែលលោកអ្នក មានអារម្មណ៍ថាឈឺចាប់ ក្រោយពីលឺសំលេង។

រីឯការកាច់ម្រាមដៃវិញ អ្នកអាចលឺសំលេងចេញពីម្រាមដៃរបស់អ្នក ពេលដែលសន្លាក់ នៃម្រាមដៃប៉ះទង្គិចគ្នា សរសៃពួរបានផ្ទាត់ត្រូវគ្នា ទាញចេញនូវឧស្ម័នអាសូត។ វាអាចប៉ះពាល់ដល់សាច់ដុំ និងការធ្វើចលនារបស់យើង ពេលដែលមានអាយុកាន់តែចាស់។

ជាការពិតណាស់ វាមិនផ្ដល់នូវទុក្ខទោសអ្វីដល់អ្នកនោះទេ បើអ្នកមិនមានការឈឺចាប់ តែសូមប្រុងប្រយ័ត្ន បើមានការឈឺចាប់កើតឡើង ខណៈពេលដែលកាច់ និងក្រោយពេលកាច់ វាអាចធ្វើឲ្យអ្នកឈឺសន្លាក់ឆ្អឹង ដូចជាបាត់បង់ឆ្អឹងខ្ចី និងមានគ្រោះថ្នាក់ដល់ សរសៃភ្ជាប់ឆ្អឹងត្រង់សន្លាក់ជាដើម។

តើប្រិយមិត្តយល់យ៉ាងណាចំពោះ បញ្ហាមួយនេះ?

ប្រភព៖ webmd

កែសម្រួលដោយ តូម៉ាតូ

ខ្មែរឡុត