ដំណោះ​ស្រាយ​សម្រាប់​សង្វារ​លើ​ដង​ខ្លួន​

ដំណោះស្រាយសម្រាប់សង្វារលើដងខ្លួន

មិនចាំបាច់ទាល់តែរៀបការហើយ ឬឆ្លងទន្លេហើយទើបមានសង្វារលើដងខ្លួននោះទេ។ យុវវ័យទាំងស្រីទាំងប្រុសអាចមានសង្វារលើដងខ្លួននៅពេលដែលផ្លាស់ប្ដូរពីធាត់មកស្គម ព្រោះនៅពេលមនុស្សធាត់ ស្បែកតឹង លុះពេលស្រកមកស្គមវិញ នោះស្បែកប្រែជាយារដែលជាហេតុនាំឲ្យមានសង្វារបែបនេះ។ បើសង្វារមាននៅកន្លែងបិតបាំងដូចជាគូទ ឬក្បាលពោះវាមិនសូវចោទជាបញ្ហាទេព្រោះពេលស្លៀកពាក់ វាអាចបិតបាំងបាន។ ប៉ូន្តែបើកើតនៅត្រង់ភ្លៅ ឬដៃ ជើងវិញច្បាស់ជានៅមិនសុខឡើយ ព្រោះស្លៀកពាក់អ្វីក៏មិនស្អាតដែរ។

មានដំណោះស្រាយតាមបែបធម្មជាតិមួយចំនួន ដែលអាចជួយឲ្យ nob70ដែលកំពុងជួបប្រទះបញ្ហាសង្វារនៅលើដងខ្លួន សាកល្បងដោយខ្លួនឯងនៅផ្ទះបាន៖

១. ដំឡូងបារាំង៖

យកដំឡូងបារាំងមកពុះជាដុំៗ ឬកិនយកទឹក រួចយកទឹកនោះមកលាបលើកន្លែងដែលមានសង្វារ។ ក្រោយពីលាបរួច សូមទុកចោលឲ្យទឹកដំឡូងបារាំងនោះស្ងួតដោយខ្លួនឯង សឹមលាងចេញដោយទឹកក្ដៅឧណ្ណៗ។ វិធីនេះអាចធ្វើរាល់ពីរទៅបីថ្ងៃម្ដង ដើម្បីឆាប់បានប្រសិទ្ធិភាព។

២. ប្រទាលកន្ទុយក្រពើ៖

សារធាតុជ័រដែលមានក្នុងប្រទាលកន្ទុយក្រពើក៏អាចកាត់ជម្រះស្នាមសង្វារលើដងខ្លួនបានដែរ។ កាត់ប្រទាលកន្ទុយក្រពើ ឬចិតយកសាច់វាមកលាបលើតំបន់ដែលមានសង្វារ ទុកចោល២ ទៅ៣នាទី សឹមលាងជាមួយទឹកក្ដៅឧណ្ណៗ។

៣. ទឹកក្រូចឆ្មា៖

ទឹកក្រូចឆ្មាមានគុណប្រយោជន៍ច្រើនសម្រាប់ការបំបាត់ស្នាមលើដងខ្លួន ព្រមទាំងសង្វារផងដែរ។ ទុកចោលប្រមាណ១០ នាទីដើម្បីឲ្យទឹកក្រូចឆ្មាជ្រាបចូលស្បែកដែលមានសង្វារនោះ ទើបលាងចេញជាមួយទឹកក្ដៅឧណ្ណៗ។ វិធីម្យ៉ាងទៀត គឺអាចលាយទឹកក្រូចឆ្មាជាមួយទឹកដែលកៀបចេញពីត្រសក់ រួចយកទៅលាបលើកន្លែងកើតសង្វារដើម្បីកាន់តែមានប្រសិទ្ធិភាព។

៤. ញ៉ាំទឹកឲ្យបានច្រើន៖

គួរផ្ដល់សំណើមដល់ស្បែកនិងរាងកាយដោយការញ៉ាំទឹកឲ្យបានច្រើនជារៀងរាល់ថ្ងៃ។ អ្នកជំនាញបានណែនាំឲ្យញ៉ាំទឹកយ៉ាងហោចណាស់១០កែវក្នុងមួយថ្ងៃដើម្បីជួយឲ្យស្បែកមានសំណើម និងគ្មានស្នាមលើស្បែក។

ដោយ nob70

ប្រភព៖ top10homeremedies