ទស្សនាវីដេអូ iPhone 6 នេះម្ដងមើល! តើអ្នកគិតយ៉ាងណាដែរ?
ក្រុមហ៊ុន Apple ទីបំផុតបានសម្រេចចិត្តពង្រីកទំហំអេក្រង់របស់iPhoneជំនាន់ថ្មីហើយ កាលពីថ្ងៃពុធកន្លងទៅ។ ដោយពត៌មានក្ដៅមួយនេះបានធ្វើអោយអ្នកគាំទ្រ និងអតិថិជនជាច្រើនរបស់ខ្លួនសប្បាយចិត្តខ្លាំងណាស់ ព្រោះពួកគេអាចប្រើប្រាស់ស្មាតហ្វូនដែលមានទំហំអេក្រង់ធំ មានលក្ខណៈសម្បត្តិពិសេសៗជាច្រើន ទៅតាមអ្វីដែលពួកគេចង់បានជាយូរណាស់មកហើយ។
មិនត្រឹមតែមានទំហំអេក្រង់ដល់ទៅ 4.8 និង 5.8 អ៊ីញប៉ុណ្ណោះទេ iPhone ជំនាន់ក្រោយនេះនឹងកែប្រែរូបរាងអោយកាន់តែលេចធ្លោថែមទៀត ដោយស្រោបឡើងដោយលោហៈធាតុអាលុយមីញ៉ូមស្រស់ស្អាត ស្រាលស្រួលកាន់ ព្រមទាំងបង្កើនសមត្ថភាពកាមេរ៉ាទាំងផ្នែកខាងមុខ និងខាងក្រោយ ជាពិសេសបច្ចេកវិទ្យា OIS របស់កាមេរ៉ាក្រោយ ដោយវាគឺជា Lens មានចលនាពិសេសមួយ ដែលជំនួយទៅដល់ការ Focus បានយ៉ាងល្អ និងធ្វើអោយយើងអាចថតយករូបភាពបានកាន់តែល្អឥតខ្ចោះ ទោះបីជាថតនៅទីកន្លែងមិនសូវជាមានពន្លឺក៏ដោយ។
ហើយចុះប្រព័ន្ធស្កេនក្រយៅដៃវិញយ៉ាងណាដែរ? ពិតណាស់ Apple នៅតែបន្តអោយ iPhone 6 របស់ខ្លួនមានកន្លែងស្កេនក្រយៅដៃ ដើម្បីរក្សាសុវត្ថិភាពដល់អតិថិជនខ្លួនអោយបានកាន់តែខ្លាំង ចៀសវាងការបាត់ ឬលួចប្លន់ជាដើម។ លើសពីនេះទៅទៀតកម្លាំងថ្ម ក៏ត្រូវបន្ថែម mAh ធំជាងមុន ដើម្បីអោយការប្រើប្រាស់បានកាន់តែយូរ ទាំងការនិយាយទូរស័ព្ទ ប្រើប្រាស់អ៊ីនធឺណែត ឬលេងហ្គេម ស្ដាប់តន្ត្រីជាដើម -ល-។
ដូច្នេះ ខេមបូ រីផត សូមបង្ហាញវីដេអូខ្លីៗ មួយចំនួនដូចខាងក្រោយ ដែលនិយាយទាក់ទងនឹង iPhone ជំនាន់ថ្មីរបស់ Apple៖
វីដេអូលេចចេញគ្រោង iPhone 6 ថតដោយទូរស័ព្ទ
សម្រាប់រូបរាងពិតប្រាកដរបស់ iPhone ជំនាន់ថ្មីនេះពុំទាន់នរណាម្នាក់ដឹងនៅឡើយ ព្រោះ Apple បានលាក់ការសម្ងាត់នេះបានយ៉ាងល្អបំផុត។ តែថ្ងៃប្រកាសលក់ iPhone 6/Air នេះជិតខិតចូលមកដល់ហើយ អញ្ចឹងយើងនឹងរង់ចាំមើលទាំងអស់គ្នា។
រក្សាសិទ្ធិដោយ : cambo-report.comផ្សាយក្នុងក្រុម បច្ចេកវិទ្យា
សំគាល់
Khmer Feed យើងខ្ញុំសូមមិនទទួលខុសត្រូវចំពោះពត័មានណាដែលមិនមែនជារបស់យើងខ្ញុំទេ។
រាល់ព័តមានពិតឫមិនពិតសូមទំនាក់ទំនងទៅកាន់ប្រភពដើមដែលយើងដាក់តំនរភ្ជាប់ទៅអោយ។សូមអរគុណចំពោះការគាំទ្រ។
សូមជួយផ្តល់មតិ
Share This Post
អត្ថបទផ្សេងៗ៖
0 comments: