ដោះសោរ​ iPhone​ របស់​អ្នក​ដោយ​គ្រាន់​តែ​គ្រវាស​ដៃ

ដោះសោរ iPhone របស់អ្នកដោយគ្រាន់តែគ្រវាសដៃ

តើអ្នកអាចដោះសោរ iPhone របស់អ្នកបានប៉ុន្មានរបៀបទៅ ក្រៅពីប្រើប្រាស់ប៊ូតុងនៅលើ iPhone?

SleekSleep គឺជា Tweak ដ៏ពិសេសមួយ ពោលវាអនុញ្ញាតិអោយអ្នក ដោះសោរ iPhone របស់អ្នក ដោយគ្រាន់តែប្រើប្រាស់ដៃគ្រវាស រឺស្ទាបលើផ្នែកខាងលើនៃ iPhone តែប៉ុណ្ណោះ។ ការដោះសោរដោយរបៀបនេះ គឺពិតជាពិសេស ថែមទាំងអាចជំនួយដល់ទូរស័ព្ទ ចៀសវាងខូចប៊ូតុង Lock ថែមទៀតផង។

Tweak មួយនេះ អាចប្រើប្រាស់បានតែនៅលើ iPhone តែប៉ុណ្ណោះ ដោយសារ iPhone មានពន្លឺ Sensor សម្រាប់ចាប់អ្វីដែលនៅពីមុខវា ដែល iPad និង iPod Touch មិនមានឡើយ។ ដើម្បីតម្លើង Tweak មួយនេះបាន សូមចូលទៅកាន់ Cydia > Source > Edit និងបន្ថែម Source (cydia.xsellize.com) រួចហើយស្វែងរកពាក្យ “ SleekSleep” និងតម្លើងជាការស្រេច។

បន្ទាប់ពីតម្លើង Tweak មួយនេះហើយ សូមចូលទៅកាន់ Setting > SleekSleep ដើម្បីធ្វើការផ្លាស់ប្តូរនូវអ្វីបន្តិចបន្តួចដែលអ្នកចង់បាន។ ត្រង់ប្រឡោះ Sensor Insomnia គឺជាមុខងារបើករហូតតែម្តង ដែលវាអាចអោយទូរស័ព្ទអ្នកឆាប់អស់ថ្មបន្តិច។ ចំណែកឯមុខងារ Activator Event គឺសម្រាប់ផ្លាស់ប្តូរ មុខងារផ្សេងៗ ឧទាហរណ៍អ្នកចង់អូសដៃលើទូរស័ព្ទអ្នកពីរដង ដើម្បីលេងចម្រៀងវិញ ប៉ុន្តែអ្នកត្រូវមានកម្មវិធី Activator សិន ដែលអាចទាញយកពី Cydia បាន។ ទន្ទឹមនឹងនេះដែរ លោកអ្នកក៏អាចកំណត់ពេលវេលា ដែលអ្នកអូសដៃ ល្បឿន និងចំនួនអូសផងដែរ។

សូមរីករាយក្នុងការសាកល្បង ហើយក៏សូមបញ្ជាក់ម្តងទៀតថា វាអាចប្រើប្រាស់បានតែនៅលើ iPhone តែប៉ុណ្ណោះ ដែលដំណើរការដោយ iOS 6 និង iOS 7។

ប្រភពៈ iDownloadblog,រក្សាសិទ្ធិដោយ : cambo-report.com