ឈុតឆាកខ្លីៗទី 2 ក្នុងរឿងសត្វយក្ស Godzilla ពិត​ជា​គួរ​អោយ​ចង់​ទស្សនា​ខ្លាំង​ណាស់​

ឈុតឆាកខ្លីៗទី 2 ក្នុងរឿងសត្វយក្ស Godzilla ពិតជាគួរអោយចង់ទស្សនាខ្លាំងណាស់

កាលពីថ្ងៃទី 11ធ្នូ ឆ្នាំ 2013 កន្លងទៅឈុតឆាកខ្លីៗទី 1 ក្នុងរឿង Godzilla បានធ្វើអោយអ្នកចូលចិត្តតាមដាន ក៏ដូចជាអ្នកគាំទ្រប្រភេទរឿងសត្វយក្សចម្លែក Godzilla ជាច្រើនពេញចិត្តពេញថ្លើមនិងចង់ទស្សនាភ្លាមៗតែម្ដង ព្រោះរឿងនេះត្រូវបានចំនាយទឹកប្រាក់អស់រាប់សិបលានដុល្លា ដូច្នេះរាល់សកម្មភាពត្រូវបានសំរិតសំរាំងយ៉ាងពិសេស ធ្វើយ៉ាងណាអោយសាច់រឿងទាំងមូលមើលទៅឡូយហួសពីការស្មាន។

ចំនែកឈុតឆាកខ្លីៗទី 2 របស់ខ្សែភាពយន្តខ្នាតធំនេះបានចេញមកហើយកាលពីប៉ុន្មានម៉ោងមុននេះ វាបានបន្ថែមឈុតឆាកប្រយុទ្ធ និងគ្រោះថ្នាក់ៗជាច្រើន មើលទៅពិតជាចង់ទស្សនាខ្លាំងបំផុត។ Trailer ថ្មីនេះយើងសង្កេតឃើញថា សត្វយក្ស Godzilla បានបង្ហាញខ្លួនកាន់តែច្បាស់ ជាមួយរូបរាង និងមុខមាត់បន្តិចបន្តួច ក្នុងនោះទីក្រុងមួយក៏ត្រូវបានរលាយក្នុងភ្លក់ភ្លើងដោយសារសត្វ Godzilla ហើយក្រុមទាហានក៏ខិតខំប្រឹងប្រែងសម្លាប់សត្វនោះដែរ តែមិនដឹងថាពួកគេអាចធ្វើទៅបានឬអត់។ ដូច្នេះមានតែរង់ចាំទស្សនាទាំងអស់គ្នានាខែ ឧសភា ខាងមុខនៅក្នុងរោងភាពយន្ត Legend និង Cineplex។