ដឹង​ថា រួម​សិច​ពេល​ព្រលឹម​មាន​ផល​បែប​ណា​ទេ?

ដឹងថា រួមសិចពេលព្រលឹមមានផលបែបណាទេ?

មានពាក្យនិយាយលេងថា ប្រសិនបើអ្នកចង់ចាប់ផ្ដើមថ្ងៃថ្មីដោយរីករាយ និងដើម្បីសុខភាពល្អនោះ មិនបាច់ស្វែងរកវិធីនៅឯណាឆ្ងាយទេ គឺត្រូវចាប់ដើម្បីនៅក្នុងបន្ទប់គេង។ ការស្រាវជ្រាវមួយនាពេលកន្លងមកបានបង្ហាញថា មនុស្សពេញវ័យដែលបានរួមភេទនៅពេលព្រឹក នឹងទទួលបានអារម្មណ៍ស្រស់ស្រាយពេញមួយថ្ងៃ ហើយគុណប្រយោជន៍មួយទៀតគឺជួយពង្រឹងប្រព័ន្ធភាពស៊ាំឱ្យកាន់តែខ្លាំង។

ការស្រាវជ្រាវបានណែនាំថា មនុស្សពេញវ័យដែលចាប់ផ្ដើមថ្ងៃថ្មីដោយរួមសិចនៅពេលព្រលឹម នឹងមានអារម្មណ៍ស្រស់ស្រាយ និងសុខភាពល្អជាងអ្នកដែលជ្រើសយកការញ៉ាំតែមួយពែងនិងនំប្រៃមុនពេលចេញពីផ្ទះ។

ការស្រាវជ្រាវបានរកឃើញថា សារធាតុគីមីដែលបញ្ចេញអំឡុងពេលរួមសង្វាសនាពេលព្រឹកនោះអាចជួយស្ទួយសុខភាព និងធ្វើឱ្យអារម្មណ៍អ្នកស្រស់ស្រាយពេញមួយថ្ងៃ។ ការស្រាវជ្រាវដដែរក៏បានអះអាងផងដែរថា សិចពេលព្រលឹមជួយអ្នកមិនឱ្យរងអាការៈផ្ដាសាយដោយងាយ ថែមទាំងជួយដល់សុខភាពសក់ ស្បែក និងក្រចកទៀតផង។

លោក វេជ្ជបណ្ឌិត Debby Herbenick អ្នកវិទ្យាសាស្ត្រសញ្ជាតិអាមេរិក និងជាអ្នកសរសេរអត្ថបទអប់រំផ្នែកផ្លូវភេទបានមានប្រសាសន៍ថា “ការរួមសិចនៅពេលព្រឹកអាចជួយបញ្ចេញសារធាតុអុកស៊ីតូស៊ីនដែលធ្វើឱ្យមនុស្សមានអារម្មណ៍ល្អ”។

លោកបានបន្ថែមថា “វាក៏ជួយធ្វើឱ្យនាក់មានកម្លាំងរឹងមាំ និងកាន់តែស្រស់ស្អាត។ សិចពេលព្រលឹមអាចពង្រឹងប្រព័ន្ធភាពស៊ាំរបស់អ្នកការពារការឆ្លងរោគផ្សេងៗ ហើយវាបញ្ចេញនូវសារធាតុគីមីដែលជួយធ្វើឱ្យស្បែករលោង និងមានសំណើម ថែមទាំងពង្រឹងសុខភាពសក់ផងដែរ”។

គុណប្រយោជន៍មិនមានតែប៉ុណ្ណោះទេ។ ការសិក្សាមួយផ្សេងទៀតនៅសាកលវិទ្យាល័យ Queen នៅ Belfast បានរកឃើញថា ការរួមសិច៣ដងក្នុងមួយសប្ដាហ៍អាចជួយកាន់បន្ថយអត្រាគ្រោះថ្នាក់នៃជំងឺគាំងបេះដូង និងដាច់សរសៃឈាម។

ការសិក្សានៅសាកលវិទ្យាល័យ Nottingham ក៏បានរកឃើញថា បុរសដែលរួមភេទជាប្រចាំនៅវ័យ៥០ឆ្នាំអាចជួយកាត់បន្ថយអត្រាគ្រោះថ្នាក់នៃជំងឺមហារីកក្រពេញប្រូស្តាត៕

ដោយ nob70
ប្រភព៖ dailymail