ស្មាតហ្វូនកំពូលស្ដើងលើលោក បង្ហាញ​ខ្លួន​ទៀត​ហើយ!!​ ឡូយ​កប់​ !!

ស្មាតហ្វូនកំពូលស្ដើងលើលោក បង្ហាញខ្លួនទៀតហើយ!! ឡូយកប់ !!

ក្រុមហ៊ុនផលិតទូរស័ព្ទជាច្រើនបានកំពុងប្រដេញជើងគ្នាយ៉ាងដុតដៃដុតជើង ដោយធ្វើយ៉ាងណាអោយទូរស័ព្ទរបស់ខ្លួនទទួលបានការគាំទ្រ និងមានទីផ្សារខ្ពស់នៅក្នុងសង្គមទូរស័ព្ទ ដូច្នេះហើយដើម្បីទទួលបានលទ្ធផលវិជ្ជមាន ក្រុមហ៊ុនទាំងនោះតម្រូវអោយខិតខំស្វែងរកអ្វីដែលប្លែក និងកាន់តែអស្ចារ្យ សម្រាប់ទាក់ទាញចិត្តអ្នកប្រើប្រាស់អោយលង់ចិត្តលង់ស្នេហ៍ចង់ទិញផលិតផលថ្មីរបស់ខ្លួន។

ជាក់ស្ដែងក្រុមហ៊ុនផលិតទូរស័ព្ទរបស់ប្រទេសចិន Gionee បានប្រកាសចេញស្មាតហ្វូនជំនាន់ចុងក្រោយគេបំផុតរបស់ខ្លួន ដែលត្រូវបានគេសរសើរថាមានកម្រាស់ស្ដើងផុតលេខ វាមានឈ្មោះថា Elife S5.5។

Elife S5.5 ត្រូវបានគេប្រកាសថា ជាកំពូលស្មាតហ្វូនដែលមានកម្រាស់ស្ដើងជាងគេបំផុតក្នុងលោក ដោយវាស្ដើងទាល់តែមែនទែនត្រឹមតែ 5.5 មម បុណ្ណោះ។ វាត្រូវបានផលិតឡើងមកជាមួយ CPU ប្រភេទ Quad-core ល្បឿន 1.7GHz Ram 2GB និងមានកាមេរ៉ាខាងក្រោយទំហំ 18 មេហ្គាភិចសែល និងខាងមុខ 5 មេហ្គាភិចសែល ដែលយើងអាចរីករាយជាមួយការប្រើប្រាស់បានយ៉ាងសប្បាយមិនទាស់ចិត្ត។ លើសពីនេះទៅទៀត Elife S5.5 ក៏មានទំហំអេក្រង់ 5 អ៊ីញធំងាយស្រួលប្រើប្រាស់ ដំណើរការដោយប្រព័ន្ធប្រតិបត្តិការ Android Jellybean ជាមួយកម្លាំងថ្មម៉ាស៊ីន 2,300mAh។

ស្មាតហ្វូន Gionee Elife S5.5 របស់ប្រទេសចិនមូយនេះ នឹងដាក់លក់នៅក្នុងពេលឆាប់ៗតាមទីផ្សារប្រទេសប្រមាណជា 40 ក្នុងតម្លៃប្រហាក់ប្រហែល 370$។

រក្សាសិទ្ធិដោយ : cambo-report.com