ឃើញ​សួន​វេទមន្ត​នេះ​ហើយ​និយាយ​លែង​ចេញ

ឃើញសួនវេទមន្តនេះហើយនិយាយលែងចេញ

នេះជាសួនច្បារវេទមន្ត ដែលសំបូរដោយរូបតួអង្គក្នុងរឿងព្រេងនិទាននិងសត្វ ធ្វើឡើងក្នុងព្រៃទឹកភ្លៀងមួយកន្លែងក្នុងតំបន់ Marysville ប្រទេសអូស្ត្រាលី។

រូបសំណាកទាំងឡាយធ្វើចេញពីដើមឈើ និងដីឥដ្ឋដុតយ៉ាងឆ្អិនដោយដៃវិចិត្រករលោក Bruno Torfs ហើយសួនវេទមន្តនេះ ទទួលបានការចាប់អារម្មណ៍យ៉ាងខ្លាំងពីពិភពលោក។ ប៉ុន្តែនៅដើមឆ្នាំ ២០០៩ ភ្លើងបានលេបត្របាក់សួនដ៏កម្រនេះអស់គ្មានសល់។

ផ្ទះរបស់ Bruno និងរូបសំណាកចំនួន៤០ ត្រូវរលាយសាបសូន្យទាំងស្រុង រួមទាំងរុក្ខជាតិដ៏ខៀវស្រងាត់ផងដែរ។ ទោះបីជាយ៉ាងណាគាត់មិនបោះបង់ចោលទេ ផ្ទុយទៅវិញគាត់បានសាងសង់ផ្ទះឡើង និងរូបសំណាកជាច្រើនឡើងវិញ ដែលឥឡូវមានចំនួនជាង ១០០រូបសំណាកហើយ៕