ហែ​សព បាក់​​​ស្ពាន​ស្លាប់៩នាក់​របួស​៤១​នាក់​ (វីដេអូ)

ហែសព បាក់ស្ពានស្លាប់៩នាក់របួស៤១នាក់ (វីដេអូ)

យ៉ាងហោចណាស់អ្នកកាន់ទុក្ខជនជាតិវៀតណាម ៩នាក់បានស្លាប់ ក្នុងហេតុការណ៍ដាច់ស្ពានមួយ ខណៈកំពុងហែសពយកទៅបញ្ចុះ។

bridge-collapse-during-funeral-vietnam-_s5qi

ប៉ូលិសវៀតណាម Phung Quang Tuyen បានឱ្យដឹងថា មនុស្សប្រមាណ៥០នាក់ បានដើរហែសពលើស្ពាន តែសំណាងអាក្រក់ស្ពាន(៩ម៉ែត្រ)ក៏ដាច់ធ្លាក់សពទៅក្នុងអូ ក្នុងនោះមនុស្ស៩នាក់បានបោកក្បាលនឹងថ្មស្លាប់តែម្ដង ហើយ៤១នាក់រងរបួស។

ហេតុការណ៍នេះកើតឡើងនៅខេត្ត Lai Chau នៅថ្ងៃច័ន្ទម៉ោង៨កន្លះ។ នៅថ្ងៃអង្គារក្រុមគ្រូពេទ្យ ៣ឧទ្ធម្ភាគចក្រ ពីមន្ទីរពេទ្យក្នុងទីក្រុង Hanoi ត្រូវបានបញ្ជូនទៅជួយ។

ឧបនាយករដ្ឋមន្ត្រីវៀតណាម Nguyen Xuan Phuc បានសុំឱ្យអាជ្ញាធរពិនិត្យឡើងវិញ លើស្ពានយោលទាំងអស់ក្នុងប្រទេស ជាពិសេសនៅតាមតំបន់ភ្នំ៕