អ្នក​ត្រួតពិនិត្យ​ថា បាញ់ហយ វៀតណាម​មាន​ជាតិពុល១០០%​​ធ្វើ​ឱ្យ​កើត​មហារីក

អ្នកត្រួតពិនិត្យថា បាញ់ហយ វៀតណាមមានជាតិពុល១០០%ធ្វើឱ្យកើតមហារីក

ការស្រាវជ្រាវបានរកឃើញថា នំបាញ់ហយ (Banh hoi) របស់វៀតណាម មានផ្ទុក ១០០%នូវសារធាតុគីមី ដែលអាចបង្កឱ្យកើតជំងឺមហារីកបើបរិភោគរយៈពេលយូរ។ នេះបើតាមរបាយការណ៍ អ្នកត្រួតពិនិត្យសុវត្ថិភាពចំណីអាហារ។

ដំណឹងដ៏ភ្ញាក់ផ្អើលនេះ បានប្រកាសកាលពីសប្ដាហ៍មុន ដោយក្រុមអ្នកត្រួតពិនិត្យសុវត្ថិភាពចំណីអាហារ មកពីមជ្ឈមណ្ឌលសិក្សា និងប្រឹក្សាយោបល់សិទ្ធិអ្នកប្រើប្រាស់ CESCON បន្ទាប់ពីធ្វើតេស្តលើនំច្រើនប្រភេទរបស់វៀតណាម pho, bun, banh canh, banh hoi, banh cuon និង banh uot ចន្លោះថ្ងៃទី១៥-២៥មិថុនាឆ្នាំ២០១៣។

មជ្ឈមណ្ឌលបានធ្វើការពិនិត្យនំទាំងនេះតាមផ្សារមួយចំនួនដូចជាផ្សារ Pham Van Hai, Ben Thanh, Tan Son Nhat, Go Vap, និង Ba Chieu និងផ្សារទំនើប Co.op Mart Cong Quynh, Maximark Cong Hoa, និងBig C Hoang Van Thu។

មជ្ឈមណ្ឌលឱ្យដឹងថា នំ៥ប្រភេទក្នុងចំណោម៦ប្រភេទឬ ២៤ក្នុងចំណោម៣០ សមាមាត្រ ៨០% មានផ្ទុកសារធាតុគីមី ដែលត្រូវបានហាមដោយក្រសួងសុខាភិបាល។ ក្នុងនោះការស្រាវជ្រាវរកឃើញថានំ បាញ់កាញ់(banh canh), បាញ់ហយ(banh hoi) និង banh uot មានផ្ទុកសារធាតុគីមី១០០% ខណៈ Bun និង Pho មាន ៥៦%និង៧៥% ។

អនុប្រធាន CESCON ឈ្មោះ Do Ngoc Chinh បានប្រាប់ Tuoi Tre ថា “ការទទួលទានសារធាតុដ៏គ្រោះថ្នាក់នេះ ក្នុងគុយទាវ គឺផ្ទុយនឹងច្បាប់ ហើយវាអាចបណ្ដាលឱ្យគ្រោះថ្នាក់ដល់អ្នកទទួលទានដូចជា មានបញ្ហាគ្រលៀន ថ្លើម និងមហារីក”៕