តុលាការ​កោះហៅ​យុវជន​ដែល​ប្តឹង​នាយករដ្ឋមន្ត្រី​ឲ្យ​ចូល​បំភ្លឺ​នៅ​ថ្ងៃទី​២៧​កុម្ភៈ

តុលាការកោះហៅយុវជនដែលប្តឹងនាយករដ្ឋមន្ត្រីឲ្យចូលបំភ្លឺនៅថ្ងៃទី២៧កុម្ភៈ

ភ្នំពេញ: តុលាការសាលាដំបូងរាជធានីភ្នំពេញបានចេញដីកាហៅយុវជនឈ្មោះ នាង សុឃុន ដែលបានដាក់ពាក្យបណ្តឹងប្តឹងសម្តេចតេជោហ៊ុន សែន នាយករដ្ឋមន្ត្រីទាក់ទងរឿងបាត់បង់ទឹកដីកោះត្រល់ និងកោះក្រចកសេះរួមទាំងដែនសមុទ្រ ឲ្យចូលខ្លួនទៅបំភ្លឺនៅថ្ងៃទី២៧ ខែកុម្ភៈ ឆ្នាំ២០១៤ ខាងមុខនេះ ដើម្បីធ្វើការសាកសួរពីដំណើររឿង។
នេះបើតាមការបញ្ជាក់ឲ្យដឹងពីមន្ត្រីជាន់ខ្ពស់សាលាដំបូងរាជធានីភ្នំពេញ ដែលបានប្រាប់គេហទំព័រ CEN ឲ្យដឹងនៅថ្ងៃទី២៤ ខែកុម្ភៈ ឆ្នាំ២០១៤។
សូមរម្លឹកថាកាលពីថ្ងៃទី៣ ខែកុម្ភៈ ឆ្នាំ២០១៤ យុវជនឈ្មោះ នាង សុឃុន បានយកពាក្យបណ្តឹងដាក់ប្តឹងសម្តេចតេជោ ហ៊ុន សែន នាយករដ្ឋមន្ត្រី ទៅសាលាដំបូងរាជធានីភ្នំពេញ ពីបទកាត់ទឹកដីកោះត្រល់ និងកោះត្រចកសេះទៅឲ្យវៀតណាម ធ្វើឲ្យបាត់បង់អធិបតេយ្យភាពរបស់ខ្មែរ៕M/L

យុវជនឈ្មោះ នាង សុឃុន ដែលបានដាក់ពាក្យបណ្តឹងប្តឹងសម្តេចតេជោហ៊ុន សែន នាយករដ្ឋមន្ត្រីទាក់ទងរឿងបាត់បង់ទឹកដីកោះត្រល់ និងកោះក្រចកសេះរួមទាំងដែនសមុទ្រ