CEO Facebook គ្រោង​បង្កើត​សេវាកម្ម Internet ឥតគិតថ្លៃ​​ដល់​មនុស្ស​លើ​លោក

CEO Facebook គ្រោងបង្កើតសេវាកម្ម Internet ឥតគិតថ្លៃដល់មនុស្សលើលោក

លោក Mark Zuckerberg ដែលជា CEO ក្រុមហ៊ុនបណ្ដាញទំនាក់ទំនងសង្គមយក្ស Facebook បានបង្ហាញគម្រោងថា នឹងបង្កើតសេវាកម្ម Internet ឥតគិតថ្លៃ ដល់មនុស្សគ្រប់គ្នានៅលើពិភពលោក។

ការបង្ហាញមហិច្ឆតានៅសមាជទូរសព្ទពិភពលោក MWC ក្នុងទីក្រុង Barcelona អេស្ប៉ាញកាលពីថ្ងៃ២៤កុម្ភៈ សេដ្ឋីវ័យក្មេង Zuckerberg ចង់ឱ្យមនុស្សលើពិភពលោកយល់ពីអត្ថប្រយោជន៍និងតម្លៃ ថា Internet អាចផ្លាស់ប្ដូរជីវិតរបស់ពួកគេបាន។

ដើម្បីធ្វើកិច្ចការនិងផ្ដល់នូវមូលដ្ឋានគ្រឹះការប្រើ Internet នេះឱ្យបានដល់មនុស្ស CEO Facebook ចង់បង្កើតដៃគូជាមួយក្រុមហ៊ុន wireless សំខាន់ៗលើពិភពលោក ហើយក្នុងនោះ ហ្វីលីពីន និងប៉ារ៉ាហ្គាយ ជាប្រទេសមុនគេដែលបានសហការលើការងារនេះ។

វាមិនមែនជាការវិនិយោគដ៏ល្អទេ ហើយលោក Zuckerberg ក៏ដឹងដែរ។ ប៉ុន្តែទោះបីជាយ៉ាងណា វាហាក់បង្ហាញឱ្យឃើញថា ជាឆន្ទៈចំណាយរបស់បុរសអាមេរិករូបនេះ ដើម្បីឱ្យមនុស្សដែលមិនអាចបង់ថ្លៃសេវាតាមការកំណត់របស់ក្រុមហ៊ុនទូរសព្ទ អាចប្រើបានឬត្រូវបង់ថ្លៃបន្តិចបន្តួចប៉ុណ្ណោះ៕

ដោយ nob70
ប្រភព៖ elitedaily, geekosystem