Jose Mourinho ពេញ​ចិត្ត​នឹង​លទ្ធផល​1-1​យប់​មិញ(វីដេអូ)

Jose Mourinho ពេញចិត្តនឹងលទ្ធផល1-1យប់មិញ(វីដេអូ)

វគ្គ១៦ក្រុមចុងក្រោយជើងទីមួយក្រុមនៅលីកកំពូលរបស់អង់គ្លេស៣ក្រុមសុទ្ធតែទទួលរសជាតិបរាជ័យ0-2ដូចគ្នាមិនថា លេងនៅក្នុងឬក្រៅផ្ទះ ខណៈតោខៀវ Chelsea ធ្វើបានល្អជាងគេក្នុងពិន្ទុ1-1នៅទឹកដីក្រុមខ្លាំងរបស់ទួគី Galatasaray។

ក្រុមអ្នកគាំទ្រពិតជាមិនអាចមើលចិត្តអ្នកចិត្តការក្លឹប Jose Mourinho ក្នុងការដាក់ជម្រើសកីឡាករ១១នាក់ដំបូងដែលតាមព័ត៌មាន Fernando Torres នឹងត្រូវលេងបម្រុង ប៉ុន្តែខ្សែប្រយុទ្ធអេស្ប៉ាញរូបនេះបែរជាលេងនៅជម្រើសទីមួយ និងអាចរកគ្រាប់បាល់នាំមុខនៅត្រឹមនាទីទី៩ប៉ុណ្ណោះ។

ការនាំមុខនេះអាចរក្សាបានត្រឹមនាទីទី៦៤ប៉ុណ្ណោះ ពេលដែល Aurelien Chedjou ទទួលបាល់ពីជ្រុងខាងស្ដាំនិងស៊ុតបញ្ចូលទីយ៉ាងល្អ។ បើទោះជាយ៉ាងណាលោក Jose Mourinho ពេញចិត្តនឹងលទ្ធផល1-1ដ៏តានតឹងនៅទឹកដីទួគីនេះ ហើយគេឃើញអ្នកចាត់ការក្លឹបដ៏ល្បីឈ្មោះរូបនេះទះដៃអបអរយ៉ាងពេញចិត្តផងដែរនៅពេល Drogba អតីតកូនក្រុមដ៏ល្អរបស់ខ្លួនត្រូវបានដូរចេញនៅចុងតង់ទីពីរ។

Chelsea នឹងទទួលស្វាគមន៍ Galatasaray នៅ Stamford Bridge នាថ្ងៃទី ១៨មីនាខាងមុខនេះ ដោយត្រូវការជ័យជម្នះត្រឹមតែមួយគ្រាប់ប៉ុណ្ណោះដើម្បីឡើងទៅវគ្គ៨ក្រុមចុងក្រោយ៕

ដោយ nob70