Napoli ឡើង​ទៅ​វគ្គ​១៦​​ក្រុម​ចុង​ក្រោយ​ដោយ​ផ្ដួល Swansea 3-1

Napoli ឡើងទៅវគ្គ១៦ក្រុមចុងក្រោយដោយផ្ដួល Swansea 3-1

តាមរយៈការផ្ដួល Swansea 3-1 ក្នុងជើងទីពីរនៅទឹកដី Stadio San Paolo យប់មិញនេះ Nopoli បានឆ្លងទៅវគ្គ១៦ក្រុមចុងក្រោយនៅ Europa League ហើយ បន្ទាប់ពីរការស្មើនៅទឹកដី Swansea ដោយគ្មានគ្រាប់។

Lorenzo Insigne រកបានមួយគ្រាប់នាំមុខភ្ញៀវនៅត្រឹមនាទីទី១៧ ប៉ុន្តែត្រូវ Jonathan De Guzman ធ្វើឱ្យមានការស្លន់ស្លោវិញនៅត្រឹមនាទីទី៣០ ដែលការប្រកួតនៅតង់ទីមួយបញ្ចប់ទៅត្រឹមមួយស្មើ ខណៈ Swansea រំពឹងឆ្លងទៅវគ្គបន្តតាមរយៈការរក្សាលទ្ធផលត្រឹមប៉ុននេះ។

ក្រុមរបស់លោក Rafa Benitez អាចចាប់យកឱកាសនាំមុខនៅត្រឹមនាទីទី៧៨ នៅពេល Christian Maggio ក្រូសបាល់កាត់ពីខាងស្ដាំមកចំនឹងជើង Chico Flores បន្ទាប់មក Ben Davies ដែលជួយឱ្យ Gonzalo Higuain សញ្ជាតិអាហ្ស៊ង់ទីនអាចរកបានគ្រាប់បាល់នាំមុខ។

ខណៈដែល Swansea ត្រូវការតាមរកមួយគ្រាប់វិញដើម្បីឡើងទៅវគ្គបន្ត Napoli អាចវាយបកដោយបាល់ដាច់មាត់ ហើយ Gokhan Inler អាចរកឱកាសស៊ុតបញ្ចប់ការសង្ស័យដែលជួយឱ្យក្រុមអ៊ីតាលីមួយនេះឈ្នះក្នុងលទ្ធផល 3-1.

Napoli នឹងត្រូវជួប Porto នៅវគ្គ១៦ក្រុមចុងក្រោយ បន្ទាប់ពីក្រុមជើងឯករបស់ព័រទុយហ្គាល់មួយនេះបានយកឈ្នះ Eintracht Frankfurt តាមរយៈគ្រាប់បាល់អាទិភាពក្រៅផ្ទះ៕

ដោយ nob70