Nicolas Anelka រង​បម្រាម​៥​ប្រកួត ពិន័យ​ប្រាក់​៨ម៉ឺន​ផោន​ព្រោះ​ការ​ប្រមាថ

Nicolas Anelka រងបម្រាម៥ប្រកួត ពិន័យប្រាក់៨ម៉ឺនផោនព្រោះការប្រមាថ

ខ្សែប្រយុទ្ធរបស់ West Brom សញ្ជាតិបារាំង Nicolas Anelka ត្រូវរងបម្រាម៥ប្រកួត និងពិន័យជាប្រាក់៨០០០០ផោន ដោយសារការធ្វើកាយវិការប្រមាថមើលងាយដែលខុសនឹងច្បាប់ប្រឆាំងការរើសអើងរបស់ FA។ កាយវិការរបស់ Anelka នៅថ្ងៃ២៨ធ្នូ ធ្វើដាក់ក្រុម West Ham ដែលត្រូវបានគេបកស្រាយថា ជាកាយវិការគោរពដល់ Nazi ។

គណៈកម្មការច្បាប់ទម្លាប់ឯករាជបានឱ្យដឹងនៅក្នុងសេចក្ដីថ្លែងការលើគេហទំព័ររបស់ FA ថា ការពិន័យទាំងពីរលើ Anelka ដោយសារការរកឃើញថា កាយវិការនោះ ជាការរំលោភ និងឬ ឈ្លើយ និងឬ បង្ករឿង និងមិនត្រឹមត្រូវ ហើយវារាប់បញ្ចូលទាំងការពាក់ព័ន្ធទៅ ជនជាតិដើមភាគតិច និងឬ ជាតិសាស្ត្រ និងឬ សាសនា ឬជំនឿ ទាំងនេះត្រូវបានរកឃើញថាពិតប្រាកដ។

Anelka មានសិទ្ធក្នុងការតវ៉ា ហើយត្រូវបានគេបង្គាំឱ្យចូលរួមកម្មវិធីអប់រំមួយ។ ការពិន័យត្រូវបានព្យួររហូតដល់ការប្រកាសសាលក្រមដែលត្រូវធ្វើឡើងនៅក្នុងរយៈពេលយូរបំផុត៧ថ្ងៃ៕

ដោយ nob70