Real, Barca និង Atletico ទាញ​គ្នា​ទម្លាក់​ម្ដង​ម្នាក់

Real, Barca និង Atletico ទាញគ្នាទម្លាក់ម្ដងម្នាក់

មួយគ្រាប់ដ៏ល្អរបស់ Gareth Bale បានជួយឱ្យ Real Madrid យកឈ្នះ Elche 3-0 នៅ La Liga ហើយក៏ជួយឱ្យ Real ឈរនៅកំពូលតារាងបណ្ដោះអាសន្នសិនដែរ។

បីក្រុមនេះរង់ចាំមើលតែក្រុមណាប្រកួតមុន ចាញ់ឬស្មើ នោះពួកគេនឹងទាញទម្លាក់មកក្រោមភ្លាមតាមរយៈការផ្ដួលដៃគូយកបីពិន្ទុ តួយ៉ាង Atletico កាលពីយប់មិញ គឺមានឱកាសទាញ Barca ឱ្យធ្លាក់មកនៅលេខបីទៅហើយ ប្រសិនបើពួកគេអាចយកឈ្នះម្ចាស់ផ្ទះ Osasuna បាន ប៉ុន្តែវាសនារបស់ពួកគេយ៉ាប់ជាង Barca ដែលត្រូវ Sociedad ផ្ដួល3-1 នោះទៅទៀត និយាយឱ្យចំគឺត្រូវ Osasuna បំបាក់ដល់ទៅ 3-0។

ដូច្នេះក្រោយ២៥ប្រកួតនៅ La Liga ស្ដេចស Real Madrid មាន៦៣ ពិន្ទុឈរនៅលេខ១ Barca មាន៦០ពិន្ទុឈរនៅលេខ២ ខណៈ Atletico មាន៦០ពិន្ទុដូច Barca ឈរនៅលេខ៣ដោយសារចាញ់គ្រាប់បាល់ចំណេញ។

ទោះជាយ៉ាងណាក៏ដោយ ដំណើរឆ្ពោះទៅរកការគ្រងជើងឯកនៅរដូវកាលនេះមិនទាន់មើលឃើញច្បាស់នៅឡើយទេ ក្រុមទាំង៣កំពូលតារាងអាចនិយាយបានថា នៅមានឱកាសស្មើគ្នានៅឡើយ ខណៈការប្រកួតនៅសល់ដល់ទៅ១៣ប្រកួតទៀត៕

ក្រុមណានឹងលើកពាននៅ La Liga?
ដោយ nob70