ប្រព័ន្ធប្រតិបត្តិការណ៍ Sailfish នឹង​ដាក់​អោយ​ប្រើ​ប្រាស់​លើ​ Android ឆាប់ៗនេះហើយ

ប្រព័ន្ធប្រតិបត្តិការណ៍ Sailfish នឹងដាក់អោយប្រើប្រាស់លើ Android ឆាប់ៗនេះហើយ

ប្រព័ន្ធប្រតិបត្តិការណ៍ Sailfish គឺជាប្រព័ន្ធប្រតិបត្តិការណ៍ពិសេសថ្មីមួយទៀត ហើយវាទើបតែបានបង្កើតឡើងនៅឆ្នាំមុននេះទេ។ Sailfish ត្រូវបានខិតខំបង្កើតឡើងយ៉ាងល្អបំផុត ពីអតីតអ្នកធ្វើការនៅក្រុមហ៊ុន Nokia ជាមួយមិត្តភក្កិគាត់មួយក្រុមទៀត។ លក្ខណៈពិសេសនៃប្រព័ន្ធប្រតិបត្តិការណ៍ Sailfish នោះគឺថាយើងអាចតម្លើងកម្មវិធី Android បាន ហើយអាចដំណើរការជាធម្មតាទៀតផង។

របៀបប្រើប្រាស់ប្រព័ន្ធដំណើរការមួយនេះ គឺស្រដៀងនឹង Windows Phone បន្តិច និង MeeGO OS បន្តិច ពោលអ្នកត្រូវអូសដៃឆ្វេងស្តាំ ចុះក្រោមដើម្បីបិទបើកកម្មវិធីនីមួយៗ។ អ្នកបង្កើតប្រព័ន្ធប្រតិបត្តិការណ៍មួយនេះ បានផ្តល់ដំណឹងល្អមួយអោយយើងគ្រប់គ្នាថា គាត់នឹងដាក់អោយ Sailfish ប្រើប្រាស់លើទូរស័ព្ទ Android បាននៅខែក្រោយនេះ។ ការដាក់បញ្ចេញអោយប្រើប្រាស់ប្រព័ន្ធប្រតិបត្តិការណ៍ Sailfish នៅលើ ទូរស័ព្ទ Android នេះ គឺដើម្បីអោយអ្នកបានសាកល្បងនូវអ្វីដែលពិសេសប្លែក ហើយមិនចាំបាច់ចំណាយលុយទិញទូរស័ព្ទ Jolla ដែលដំណើរការដោយ Sailfish ឡើយ។

ដើម្បីអោយដឹងកាន់តែច្បាស់ថា តើប្រព័ន្ធប្រតិបត្តិការណ៍ Sailfish មានលក្ខណៈពិសេស និងស្រស់ស្អាតយ៉ាងណានោះ សូមទស្សនាវីដេអូ Review ខាងក្រោមនេះទាំងអស់គ្នា

អ្នកបង្កើតប្រព័ន្ធប្រតិបត្តិការណ៍នេះបានអោយដឹងថា Sailfish នឹងអាចប្រើប្រាស់បានលើទូរស័ព្ទមួយចំនួនធំ ដូចជាស៊េរី Galaxy, Google Nexus, ស៊េរី Sony Xperia និងមួយចំនួនទៀត។ សម្រាប់របៀបតម្លើងវាវិញ ប្រហែលជាយើងត្រូវធ្វើតាមរយៈ Flash Rom រឺក៏អាចស្រួលជាងនេះ។ ក្រៅពីបញ្ចេញប្រព័ន្ធប្រតិបត្តិការណ៍ Sailfish ហើយ អ្នក Developer ខ្លួនក៏កំពុងបង្កើត Sailfish Launcher មួយផងដែរ ងាយស្រួលសម្រាប់អ្នកចង់តេស្ត Sailfish។

នៅពេលដែលប្រព័ន្ធប្រតិបត្តិការណ៍ Sailfish នេះចេញអោយប្រើប្រាស់នៅលើ Android ភ្លាម Cambo Report ប្រហែលជានឹងតេស្តសាកល្បងប្រើប្រាស់ដែរ ជាក់ជាមិនខាន ព្រោះអីបើមើលទៅលើរូបរាង និង Interface របស់វា គឺស្អាតម្យ៉ាងដែរ ណាមួយវាក៏អាចប្រើប្រាស់ជាមួយកម្មវិធី Android ផងដែរ។ ចុះសម្រាប់ប្រិយមិត្តទាំងអស់គ្នាវិញ នឹងសាកល្បងប្រើប្រាស់ប្រព័ន្ធប្រតិបត្តិការណ៍ Sailfish នេះដែររឺទេ?

រក្សាសិទ្ធិដោយ : cambo-report.com