The Dash កាសស្តាប់ចំរៀង​ដែល​អាច​តាម​ដាន​ ដឹង​ពី​សុខ​ភាព​របស់​អ្នក

The Dash កាសស្តាប់ចំរៀងដែលអាចតាមដាន ដឹងពីសុខភាពរបស់អ្នក

តន្រ្តីគឺជាផ្នែកមួយដ៏សំខាន់ផងដែរចំពោះជីវិតរស់នៅរបស់អ្នក អ្នកនឹងអាចមានអារម្មណ៍ស្រស់ថ្លា ហើយសប្បាយរីករាយនៅពេលដែលបានស្តាប់តន្រ្តី។ តែដើម្បីធ្វើអោយការស្តាប់របស់អ្នកកាន់តែមានភាពទាក់ទាញថែមមួយកំរិតទៀតនោះយើងត្រូវតែជ្រើសរើសប្រភេទម៉ាស៊ីនចាក់ចំរៀង ឬកាសស្តាប់ចំរៀងនាដែលមានគុណភាពល្អ។ កាលពីលើកមុន ក្រុមការងាររបស់យើងខ្ញុំបានលើកយកនូវកាសស្តាប់ចំរៀងមួយប្រភេទដែលវាអាចស្តាប់ចំរៀងនៅក្នុងទឹកបានរបស់ផលិតផល Sony ។ ថ្ងៃនេះខ្ញុំសុំលើកយកនូវកាសស្តាប់ចំរៀងមួយប្រភេទដែលមានសមត្ថភាពខ្ពស់និង អត្ថប្រយោជន៍យ៉ាងខ្លាំងដែលមិនធ្លាប់មានពីមុនមកមានឈ្មោះថា The Dash។ បើយើងក្រលេកមើលទៅរូបរាងខាងក្រៅរបស់វាវិញ វាមានរាងតូចច្រលឹងគួរអោយស្រលាញ់និងរំលេចនៅពណ៌បៃតងគួរអោយទាក់ទាញដែលវាអាចស្តាប់ចំរៀងបានផងនិងអាចដឹងពីសុខភាពរបស់យើងបានផង។

The Dash គឺជាកាស់ស្តាប់ចំរៀងថ្មីមួយប្រភេទដែលប្រើប្រាសជាមួយនឹង Wireless Bluetooth Headphone វាអាចតភ្ជាប់ជាមួយនឹង Smart Phone របស់អ្នកបានតាមរយៈ Bluetooth 4.0 ។ ហើយក្រៅពីនេះទៀត The Dash បានភ្ជាប់មកជាមួយនឹង Memory ទំហំ 4GB ផងដែរ ដែលអាចផ្ទុកបទចំរៀងបានរហូតដល់ទៅជាង 1000បទឯណោះដែលមិនចាំបាច់ភ្ជាប់ជាមួយនឹងទូរស័ព្ទ ហើយវាមានទំហំ ថ្មកំរិត 100mAh។

អ្វីដែលអស្ចារ្យជាងនេះទៅទៀតនោះគឺ The Dash បានផ្តោតសំខាន់ផងដែលលើអ្នកលេងកីឡានិងហាត់ប្រាណ ដោយវាបានប្រើប្រាស់នូវ Sensor ដែលអាចចាប់យកនៅចលនាបាន និងដឹងពីសកម្មភាពរបស់យើងដូចជា៖ ចំងាយនៃការដើរប្រចាំថៃ្ង ល្បឿន ជំហ៊ានជើងថាតើយើងដើរបានប៉ុន្នានជំហ៊ាន។ ចំនែកឯនៅក្នុងរាងកាយរបស់យើងវិញវាអាចដឹងពី ល្បឿនរបស់ចង្វាក់បេះដូង កំដៅសីតុណ្ហភាពក្នុងខ្លួន ចំនួនកាឡូរី ដែលត្រូវបាទបងជាដើម។ ក្រៅពីនេះវាក៏ជា Microphone សំរាប់និយាយជាមួយនឹងទូរស័ព្ទផងដែរ។

The Dash គឺស្ថិតនៅក្នុងការអភិវឌ្ឍនៃគំរោងនៅឡើយទេហើយចំពោះតម្លៃរបស់វាវិញគឺមិនទាន់បញ្ចេញពិតប្រាកដនៅឡើយទេ ប៉ុន្តែគេបានធ្វើការប៉ាន់ស្មានថាវាមានតម្លៃប្រហែល 299$ ដោយផ្អែកលើគេហទំព័រ Kickstarter។ ខ្ញុំគិតថាកាស ប្រភេទនេះវាសាកសមជាមួយនឹងអ្នកដែលចូលចិត្តលេងកីឡាដូចជា រត់ប្រណាំង ជិះកង់ លើភ្នំ ។

រក្សាសិទ្ធិដោយ : cambo-report.com