Vmoji 7 Tweak ដ៏ពិសេស​សម្រាប់​បន្ថែម​សញ្ញា​ និង​រូប​ភាព​ពិសេសៗ​នៅ​លើ​ក្តារ​ចុច

Vmoji 7 Tweak ដ៏ពិសេសសម្រាប់បន្ថែមសញ្ញា និងរូបភាពពិសេសៗនៅលើក្តារចុច

អ្នកប្រើប្រាស់ iDevice ជាច្រើនប្រាកដជាស្គាល់ច្បាស់ណាស់ថា តើអ្វីទៅគឺជា Emoji? វាគឺជាក្តារចុចដែលមានជារូបភាព និម្មិតសញ្ញា ប្លែកៗជាច្រើនរបស់ iOS ដែល Apple បានបង្កើតវាឡើងតាំងពី iOS 5 មកម្ល៉េះ។ មានអ្នកប្រើប្រាស់ជាច្រើន កំពុងនិយមប្រើប្រាស់វា ដោយសារវាមានស្រាប់នៅជាប់ Keyboard ម៉ាស៊ីន រឺឯរូបភាព និងស្លាកសញ្ញាផ្សេងៗវិញក៏មានច្រើនផងដែរ។

យ៉ាងណាមិញ Apple មិនទាន់បានបន្ថែមនូវនិម្មិតសញ្ញា រឺក៏រូបភាពថ្មីៗនៅឡើយទេ ដែលធ្វើអោយអ្នកប្រើប្រាស់មួយចំនួនចាប់ផ្តើមធុញទ្រាន់ហើយ។ Vmoji7 គឺជា Tweak ពិសេសមួយដែលអាចបន្ថែមនូវរូបភាព និងសញ្ញាស្រស់ស្អាតមួយចំនួនទេ។

Vmoji7 បន្ថែមរូបភាព និងសញ្ញាពិសេសៗជាច្រើន ចូលទៅក្នុង Keyboard ដែលវាធ្វើអោយការផ្ញើរសារ រឺសរសេរអ្វីមួយកាន់តែមានភាពទាក់ទាញ។ ទន្ទឹមនឹងនេះដែរ កុំព្យូទ័រ រឺក៏ទូរស័ព្ទណាក៏អាចមើលឃើញ ស្លាកសញ្ញា រឺក៏រូបភាពផ្សេងៗដែលយើងបានបង្កើតដោយ Vmoji 7 នេះបានដែរ ខុសពី Emoji ដែលមានតែកុំព្យូទ័រមួយចំនួនអាចមើលឃើញ។

ដើម្បីតម្លើង Tweak មួយនេះបានដោយឥតគិតថ្លៃ ជាដំបូងសូមអ្នកបន្ថែម Source ថ្មីមួយសិន ដោយចូលទៅកាន់ Cydia > Manage > Source > Edit > Add វាយពាក្យ(http://cydia.myrepospace.com/cambodia/) រួចចុច Add ជាការស្រេច។ បន្ទាប់មកទៀត សូម Search រកពាក្យ “ Vmoji 7” ហើយតម្លើងវាជាការស្រេច។ បន្ទាប់ពីតម្លើងរួចហើយ ឥលូវសាកល្បងប្រើ Vmoji ដូចចុចលើអក្សរណាមួយអោយជាប់ នោះវានឹងលោតចេញសញ្ញាផ្សេងៗជាក់ជាមិនខាន។

សង្ឃឹមថាTweak មួយនេះ នឹងធ្វើអោយការសរសេរ សារ រឺអ្វីមួយរបស់អ្នកកាន់តែមានភាពរីករាយជាងមុន។