សមាជិក​ 4 Minutes មាន​អ្នក​ញ៉ែ​ហើយ​សុំ​លេខ ស្មាន​តែ​គេ​ស្គាល់​តាម​ពិត…

សមាជិក 4 Minutes មានអ្នកញ៉ែហើយសុំលេខ ស្មានតែគេស្គាល់តាមពិត…

Jihyun សមាជិកក្រុមចម្រៀងស្រីកូរ៉េ 4 Minutes បានបង្ហើបប្រាប់អ្នកពីចំណុចដ៏គួរឱ្យខ្មាសមួយថា ប៉ុន្មានថ្ងៃមុននេះ មានបុរសម្នាក់តាមញ៉ែ ហើយតាមសុំលេខទូរសព្ទនាងនៅតាមផ្លូវសាធារណៈ ខណៈដែលបុរសនោះមិនបានចំណាំថា នាងជាក្រុមតារាចម្រៀងដ៏ល្បីប្រចាំប្រទេសកូរ៉េខាងត្បូងនោះទេ។ ដំបូងនាងគិតថាសប្បាយចិត្តដែរ ដែលមានចាប់អារម្មណ៍ និងស្វាគមន៍នាងតាមទីសាធារណៈ តែធាតុពិតអ្នកទាំងនោះមិនបានចំណាំថា នាងជាតារាល្បីអីនោះទេ ។

សមាជិកមួយរូបទៀតក្នុងក្រុមដដែលនេះ បានបន្ថែមពាក្យសម្ដីលើបទសម្ភាសក្នុងកម្មវិធីវិទ្យុមួយថា មនុស្សនៅខាងក្រៅមួយចំនួនជារឿយៗតែងតែសុំលេខទូរសព្ទរបស់កញ្ញា Jihyun ។ លើកដល់ចំណុចនេះភ្លាម Jihyun បានកាត់ថា៖ ” អ្នកទាំងនោះមើលទៅមិនទំនងចាំមុខមាត់របស់ខ្ញុំថាខ្ញុំជាតារាចម្រៀងនោះទេ នៅពេលដែលខ្ញុំមិនបាន Make up ”។

Jihyun បន្តថា ដំបូងនាងដូចជាមានអារម្មណ៍ថាសប្បាយចិត្តដែរ នៅពេលដែលអត់បាន Make up ចឹងមានគេតាមញ៉ែ ប៉ុន្តែពេលមកដល់ផ្ទះវិញគិតឱ្យសព្វៗទៅ ដូចជាមានអារម្មណ៍មិនដឹងយ៉ាងម៉េចទេ ព្រោះគេស្គាល់តែនៅលើឆាក៕

ដោយ nob70
ប្រភព៖ allkpop