ទៅ​ហៅ​ឲ្យ​បើក​ទ្វារផ្ទះ​ឃើញ​ស្ងាត់​នៅ​ម្នាក់ឯង​ចាប់រំលោភ​បានសម្រេច​

ទៅហៅឲ្យបើកទ្វារផ្ទះឃើញស្ងាត់នៅម្នាក់ឯងចាប់រំលោភបានសម្រេច

ខេត្តបាត់ដំបង: ប៉េអឹមខេត្តបាត់ដំបងបានឃាត់ខ្លួនបុរសម្នាក់កសាងសំណុំរឿងបញ្ជូនទៅតុលាការ នៅថ្ងៃទី២៩ មីនា២០១៤ បន្ទាប់ពីបុរសនោះ ឡើងទៅហៅឲ្យបើកទ្វារផ្ទះ ហើយឃើញស្ត្រីរងគ្រោះ នៅក្នុងផ្ទះស្ងាត់ម្នាក់ឯង ចាប់រំលោភបានសម្រេច។

ហេតុការណ៍ចាប់រំលោភស្ត្រីរងគ្រោះ បានកើតឡើងកាលពីវេលាម៉ោង៧និង៣០នាទីយប់ថ្ងៃទី២៧ខែមីនាឆ្នាំ២០១៤ចំណុចភូមិកាឡោមភ្លុកឃុំព្រៃស្វាយស្រុកមោងឬស្សីខេត្តបាត់ដំបងហើយកម្លាំងអាវុធហត្ថស្រុកមោងឬស្សីបានឃាត់ខ្លួនបុរសនេះកាលពីព្រឹកថ្ងៃទី២៨ខែមីនាឆ្នាំ២០១៤តាមបណ្តឹងសាច់ញាតិស្ត្រីរងគ្រោះ។

លោកឡាចប្រុសនាយការិយាល័យស្រាវជ្រាវបទល្មើសព្រហ្មទណ្ឌអាវុធហត្ថខេត្តបាត់ដំបងបានអោយដឹងថាបុរសដែលឃាត់ខ្លួន ឈ្មោះ ធៀន នី អាយុ២៧ឆ្នាំមុខរបរធ្វើស្រែមានទីលំនៅក្នុងភូមិកើតហេតុ។ ចំណែកស្ត្រីរងគ្រោះអាយុ២០ឆ្នាំរបរធ្វើស្រែ។

ស្ត្រីរងគ្រោះបានប្រាប់សមត្ថកិច្ចថាឈ្មោះធៀននីស្រវឹងស្រាហើយបានមកហៅឲ្យបើកទ្វារផ្ទះដោយមនុស្ស
ស្គាល់គ្នានាងបានបើកទ្វារផ្ទះរួចជនសង្ស័យសួរថាមានមនុស្សនៅផ្ទះទេឬនៅម្នាក់ឯង។គ្រាន់តែប្រាប់ថានាងនៅតែម្នាកឯង
ទេជនសង្ស័យបានស្ទុះទៅចាប់អោបផ្ដួលរំលោភទាំងកម្រោលបានសម្រេចហើយគេចខ្លួនបាត់។លុះព្រឹកឡើងនាង
បាននិយាយប្រាប់សាច់ញាតិឲ្យដឹងរឿងនេះហើយប្ដឹងប៉ូលិសតែម្ដង។

ឈ្មោះ ធៀន នី ជនសង្ស័យបានសារភាពថារួបគេធ្លាប់ស្រឡាញ់គ្នាជាយួរមកហើយ ប៉ុន្តែមិនបានស៊ីជម្រៅទេគ្រាន់តែអោបថើប។ នៅវេលាយប់ថ្ងៃទី២៧ខែមីនារួបគេបានផឹកស៊ីស្រវឹងជាមួយមិត្តភក្តិហើយនឹកឃើញដល់ការមានស្នេហាស្រឡាញ់នាង
នោះជាយួរហើយក៏ទៅរក។នៅពេលទៅដល់ផ្ទះបានហៅនាងឲ្យបើកទ្វារឃើញថានាងនៅម្នាក់ឯងបានចាប់រំលោភបានសម្រេចប្រាកដមែន។

លោក ឡាច ប្រុស នាយការិយាល័យស្រាវជ្រាវបទល្មើសព្រហ្មទណ្ឌអាវុធហត្ថខេត្តបាត់ដំបងបានបញ្ជាក់ថាបច្ចុប្បន្នជនសង្ស័យកម្លាំងសមត្ថកិច្ចបានកសាងសំណុំរឿងបញ្ជួនទៅតុលាការដើម្បីចាត់ការទៅតាមផ្លូវច្បាប់ហើយនៅថ្ងៃទី២៩ខែមីនាឆ្នាំ២០១៤៕T/c