ការ​បំពុល​បរិយាកាស​នៅ​ទីក្រុង​ប៉េកាំង​ឈាន​ដល់​កម្រិត​គួរ ​អោយ​ព្រួយបារម្ភ​

ការបំពុលបរិយាកាសនៅទីក្រុងប៉េកាំងឈានដល់កម្រិតគួរ អោយព្រួយបារម្ភ

ការបំពុលបរិកាសនៅក្នុងទីក្រុងប៉េកាំងប្រទេសចិន បានឡើងដល់កម្រិតមួយគួរអោយព្រួយបារម្ភនៅថ្ងៃព្រហស្បត្តិ៍នេះ ធ្វើឲ្យប្រជាពលរដ្ឋព្រួយបារម្ភយ៉ាងខ្លាំងពីបញ្ហាសុខភាពរបស់ពួកគេ ។

សន្ទស្សន៍គុណភាពខ្យល់ ឬហៅកាត់ថា AQIដែលវាស់កម្រិតជាតិពុលក្នុងខ្យល់ បូករួមទាំងកាបូន ឌីអុកស៊ីត ដែរនោះបានឡើងដល់កម្រិត៤០០ ដែលកម្រិតធម្មតាមានត្រឹមតែ៣០០ប៉ុណ្ណោះនៅក្នុងទីក្រុងប៉េកាំង ។ ប្រជាពលរដ្ឋប៉េកាំងភាគច្រើនបាននាំគ្នាពាក់ម៉ាសការពារ ខណៈដែលកម្រិតបំពុលបរិយាកាស បានឡើងដល់កំពូលកាលពីរសៀលថ្ងៃនេះ ។

អ្នកស្រីតាង ជីន អាយុ៤០ឆ្នាំបានអោយដឹងថា អ្នកស្រីមានអារម្មណ៍មិនស្រួលសោះ បើទោះជាពាក់ម៉ាស់ការពារក៏ដោយ ។ អ្នកស្រីបន្តទៀតថា ពេលអ្នកស្រីឃើញអាកាសធាតុអាក្រក់បែបនេះអ្នកស្រីព្រួយបារម្ភណាស់ ហើយវាបានប៉ពាល់យ៉ាងខ្លាំងដល់សុខភាពអ្នកស្រី តែអ្នកស្រីមិនដឹងធ្វើយ៉ាងណាទេ ហើយក៏មិនដែលជួបប្រទះអាកាសធាតុអាប់អួរបែបហ្នឹងទេ។

ដោយឡែក លោកលីវ ចៀន ដែលជាបុគ្គលិកបម្រើការក្នុងការិយាល័យ បានឲ្យដឹងដែរថា វាពិបាកឲ្យគេជឿណាស់ថា មានធូលីច្រើនបែបណានៅទីក្រុងប៉េកាំង។

អ្នកប្រហែលជាមិនជឿ ប្រសិនបើមិនរស់នៅក្នុងទីក្រុងប៉េកាំង តែជាក់ស្តែងណាស់ថា ធូលីនៅទីនេះបានប៉ះពាល់យ៉ាងខ្លាំងដល់ការរស់នៅប្រចាំថ្ងៃរបស់ប្រជាពលរដ្ឋ៕

សារ៉ាត់