អ្នក​ប្រមាញ់​​ភ្លុក​សត្វ​ពីរ​នាក់​ ត្រូវ​​បាន​បាញ់​សម្លាប់​នៅ​ឥណ្ឌា

អ្នកប្រមាញ់ភ្លុកសត្វពីរនាក់ ត្រូវបានបាញ់សម្លាប់នៅឥណ្ឌា

អ្នកប្រមាញ់ភ្លុកពីរនាក់ ត្រូវបានបាញ់សម្លាប់ បន្ទាប់ពីក្រុមពួកគេសម្លាប់សត្វរមាសដ៏កម្ររបស់ឥណ្ឌាមួយក្បាល ក្នុងដែនជម្រកសត្វព្រៃ Pobitora ភាគខាងកើតទីក្រុង Guwahati ក្នុង រដ្ឋ Assam ប្រទេសឥណ្ឌា ។

ប្រភពបានឱ្យដឹងថាមន្ត្រីព្រៃឈើបានបាញ់សម្លាប់ជនទាំងពីរ បន្ទាប់មានការប៉ះទង្គិចគ្នាមួយប្រាវនៅកន្លែងកើតហេតុក្នុងដែនជម្រកខាងលើ។

ក្រុមអ្នកប្រមាញ់ទាំងអស់មានគ្នា ៨នាក់ បានចូលតំបន់ខាងលើកាលពីថ្ងៃពុធ។ ក្រុមបុគ្គលិកសន្តិសុខបានឱ្យដឹងដែរថា ប្រមាណម៉ោង1am ពួកគេឮសំឡេងបាញ់ជាច្រើនគ្រាប់ ហើយក៏មកកន្លែងកើតហេតុ ដើម្បីចាប់ជនកំហូចទាំងនេះ។ ក្នុងហេតុការណ៍ប៉ះទង្គិចនេះ បុរសពីរនាក់បានស្លាប់ ហើយគ្នាគេប៉ុន្មាននាក់ទៀត បានព្យាយាមយកភ្លុករត់ចេញ។

Pobitora ជាជម្រកសត្វព្រៃ១ក្នុងចំណោម៩៣លើពិភពលោក ដែលមានសត្វរមាសប្រមាណ ៣០០០ក្បាល។ ហើយសត្វ ដែលត្រូវជនខិលខូចប្រមាញ់នេះ ជាសត្វរមាសស្នែងមួយដ៏កម្រ និងជាថនិកសត្វធំទីលំដាប់២ បន្ទាប់ពីដំរីនៅតំបន់អាស៊ី។ រមាស់ឈ្មោលមានទម្ងន់ប្រមាណ ២០៨៦គ.ក្រ អាចរហូតដល់ ៣៩៩១ គ.ក្រ) ៕