តារាចម្រៀង Chris Brown អាច​ប្រឈមមុខ​ជាប់គុក ៦ខែ

តារាចម្រៀង Chris Brown អាចប្រឈមមុខជាប់គុក ៦ខែ

យោងទៅតាមព័ត៌មាន បរទេសមួយ បានចុះផ្សាយ បានឲ្យដឹងថា តារាចម្រៀងហ៊ីបហប លំដាប់ពិភពលោក គឺ លោក Chris Brown នឹងឡើងសវនាការ នៅថ្ងៃចន្ទ ទី ២១ ខែ មេសា ឆ្នាំ ២០១៤ ដែលបានធ្វើឲ្យភ្ញាក់ផ្អើល ដល់បណ្តាអ្នកគាំទ្រ របស់លោកទាំងអស់ ថែមទាំងអាច ប៉ះពាល់ដល់ប្រជាប្រិយភាព របស់លោកនាពេលបច្ចុប្បន្ន។

លោក Chris Brown ជាប់ចោទពីបទបង្ករបួសស្នាម លើអតីតមិត្តស្រីរបស់ខ្លួន ដែលជាតារាចម្រៀង កំពុងតែមានភាពល្បីល្បាញ លំដាប់ពិភពលោក គឺ នាង Rihanna ដោយសារតែតារាចម្រៀង ហ៊ីបហបរូបនេះ បានវាយដំទៅលើមិត្តស្រី របស់ខ្លួនរហូតដល់ ហើមមុខហើមមាត់ ហើយ នាង Rihanna ក៏បានដាក់ពាក្យប្តឹង ទៅតុលាការ។

យ៉ាងណាមិញដូចបាន បញ្ជាក់ខាងលើ លោក Chris Brown អាចនឹងប្រឈមមុខ ជាប់ពន្ធធនាគាររហូតដល់ទៅ ៦ខែ ថែមទាំងពិន័យជា សាច់ប្រាក់ចំនួន ១ពាន់ដុល្លារអាមេរិក នេះបើយោងទៅតាមចៅក្រមជាអ្នកសម្រេច។

គួរបញ្ជាក់ផងដែរថា បន្ទាប់ពីមានករណី ដូចដែលបានរៀបរាប់ ខាងលើរួចមកហើយ នាង Rihanna ក៏បានចេញនូវ បទចម្រៀងថ្មី ដែលមាន ចំណងជើងថា “Take A Bow” ហើយបទនេះដែរ បង្ហាញពីការមិនទទួល នៃការសុំទោសពី លោក Chris Brown នោះទេ៕

អត្ថបទពី៖ Lookingtoday